😱ໄວລັດຕັບອັກເສບ ເປັນຕົ້ນເຫດຫລັກຂອງມະເລັງງຕັບ
ຕັບເປັນອະໄວຍະວະທີ່ສຳຄັນ ທີ່ຢູ່ເບື້ອງຊ້າຍ ເຮັດຫນ້າທີ່ສັງເຄາະສານອາຫານ ກຳຈັດສານພິດອອກຈາກຮ່າງກາຍ

#ໄວລັດຕັບອັກເສບ ( Hepatitis ) ຄື ການທີ່ຕັບມີອາການອັກເສບ ແລະ ຕິດເຊື້ອ. ຖ້າຫາກເວົ້າເຖິງ ໄວລັດຕັບ ຄົນສ່ວນຫລາຍຈະນຶກເຖິງ "ໄວລັດຕັບອັກເສບບີ" ພະຍາດນີ້ມີຫລາຍໃນປະເທດ AEC ແຕ່ຄວາມຈິງ ໄວລັດຕັບ ແມ່ນມີຫລາຍສາຍພັນ ຄື: ໄວລັດຕັບອັກເສບເອ( A),ບີ(B), ຊີ(C),ດີ(D) ແລະ ອີ(E). ໃນນັ້ນໄວລັດຕັບ D,E ແມ່ນພົບນ້ອຍ ແຕ່ແນວໃດກໍ່ຕາມໄວລັດຕັບເປັນຕົ້ນເຫດຂອງການເປັນຕັບແຂງ ແລະ ມະເຮັງຕັບ ຈຶງຄວນໄດ້ຮັບການຮັກສາ ເພື່ອປ້ອງກັນການເກີດເປັນພະຍາດນີ້

ການຕິດເຊື້ອ ແລະ ອາການຂອງຜູ້ຕິດເຊື້ອ ໄວລັດຕັບອັກເສບ
1. ໄວລັດຕັບອັກເສບ A:
* ສາເຫດການຕິດເຊື້ອ:
- ຕິດຈາກການກິນອາຫານຈາກຜູ້ມີເຊື້ອ
- ດື່ມນໍ້າທີ່ມີເຊື້ອແຝງຢູ່
- ການລ້າງມືບໍ່ສະອາດເວລາອອກຈາກຫ້ອງນໍ້າ
- ການມີເພດສຳພັນກັບຜູ້ຕິດເຊື້ອ
- ເຊື້ອນີ້ຈະບໍ່ຕິດທາງນໍ້າລາຍ ແລະ ຫຍ່ຽວ
* ອາການຂອງຜູ້ຕິດເຊື້ອ:
- ເປັນໄຂ້ ໂຕຮ້ອນ
- ຮ່າງກາຍອ່ອນເພຍ
- ເບື່ອອາຫານ
- ປຸ້ນທ້ອງຮາກ
- ແຫນ້ນບໍລິເວນກະດູກຂ້າງເບື້ອງຂວາ
- ຖ້ອກທ້ອງ ອາຈົມສີຂາວ ຈືດ
- ຫຍ່ຽວເປັນສີເຂັ້ມ
- ອາການໂຕເຫລືອງ ຕາເຫລືອງ

2. ໄວລັດຕັບອັກເສບ B
* ອາການຕິດເຊື້ອ
- ການມີເພດສຳພັນກັບຜູ້ຕິດເຊື້ອ
- ການໃຊ້ເຂັມຊີດຢາ ເຂັມສັກຕາມໂຕ ເຈາະຫູ ເຄື່ອງໃຊ້ສ່ວນຕົວເຊັນ: ໄມ້ຖູແຂ້ວ ມີດໂກນ ມີດຕັດເລບ
- ການຕິດເຊື້ອຈາກແມ່ທີ່ມີເຊື້ອ ( ຖ້າແມ່ມີເຊື້ອ 90% ຂອງລູກທີ່ເກີດມາແມ່ນຕິດເຊື້ອນໍາ)
- ການຈັບບາຍເລືອດ, ນໍ້າຄາວປາ ໂດຍຜ່ານບາດແຜ
- ໄວລັດຕັບອັກເສບ B ຈະບໍ່ຕິດຕໍ່ທາງລົມຫາຍໃຈ, ອາຫານ ຫລື ນໍ້າດືມ, ການໃຫ້ນົມ ແລະ ການຈູບກັນ ( ຖ້າປາກບໍ່ມີແຜ)

* ອາການຂອງຜູ້ຕິດເຊື້ອ: ແບ່ງອອກເປັນ 2ໄລຍະ
# ໄລຍະກະທັນຫັນ
ຜູ້ປ່ວຍ ຈະເລີ້ມມີອາການ 1-4ເດືອນ ຫລັງຕິດເຊື້ອ. ຜູ້ປ່ວຍຈະມີໄຂ້, ຕາເຫລືອງ, ປວດທ້ອງເບື້ອງກະດູກຂ້າງເບື້ອງຂວາ, ຮາກ, ເບື່ອອາຫານ, ອ່ອນເພຍ, ເປັນຜື່ນ, ປວດຂໍ່
ອາການຕັບອັກເສບແບບກະທັນຫັນ ແມ່ນ ຈະດີຂື້ນພາຍໃນ 1-4ທິດ ແລະ ຈະຫາຍເປັນປົກະຕິເມື່ອຮ່າງກາຍສາມາດຈຳກັດ ແລະ ຄວບຄູມເຊື້ອໄດ້ແລ້ວ ເຊິງຈະໃຊ້ເວລາບໍ່ເກີນ 3ເດືອນ ແຕ່ຜູ້ປ່ວຍສ່ວນນ້ອຍ (5-10%) ບໍ່ສາມາດກຳຈັດເຊື້ອອກຈາກຮ່າງກາຍໄດ້ຫມົດ ຈະເຮັດໃຫ້ຜູ້ປ່ວຍມີອາການຕິດເຊື້ອແບບຊໍາເຮື້ອ
# ການຕິດເຊື້ອແບບຊໍາເຮື້ອ: ແບ່ງອອກເປັນ 2ກູ່ມຄື:
@ ຜູ້ມີເຊື້ອ: ແມ່ນຜູ້ປ່ວຍທີ່ມີເຊື້ອ ໄວລັດຕັບ B ໃນຮ່າງກາຍ ເຊິງຜູ້ປ່ວຍຈະບໍ່ສະແດງອາການແຕ່ສາມາດແຜ່ເຊື່ອໄດ້ ດັ່ງນັ້ນເວລາກ່ອນແຕ່ງງານ ຫລື ມີລູກ ຄວນກວດຫາເຊື້ອກ່ອນ ເພື່ອປ້ອງກັນການຕິດເຊື້ອ ແຕ່ຜູ້ປ່ວຍທີ່ມີເຊື້ອການກວດເລືອດຈະເຫັນຄ່າຂອງຕັບຢູ່ໃນລະດັບປົກກະຕິ
@ ຕັບອັກເສບຊໍາເຮື້ອ: ຜູ້ປ່ວຍທີ່ມີເຊື້ອໄວລັດຕັບອັກເສບ B ໃນຮ່າງກາຍ ແລະ ກວດເລືອດພົບຄ່າຂອງຕັບຜິດປົກະຕິ (ການຕິດເຊື້ອແບບຊໍາເຮື້ອແມ່ນຈະພົບຫລາຍກັບເດັກນ້ອຍທີ່ຕິດເຊື້ອຕັ້ງແຕ່ເກີດ)
ຜູ້ປ່ວຍສ່ວນຫລາຍຈະບໍ່ສະແດງອາການ ແຕ່ບາງຄົນອາດມີອາການອ່ອນເພຍ ຫລື ເບື່ອອາຫານ

3. ໄວລັດຕັບອັກເສບ C:
* ສາເຫດການຕິດເຊື້ອ:
- ສາມາດຕິດຕໍ່ກັນທາງເລືອດ ຫລື ເພດສຳພັນ ຄືກັນກັບ ໄວລັດຕັບອັກເສບ B ແຕ່ສາມາດຕິດຕໍ່ກັນທາງການໃຫ້ນົມລູກ, ການໄອ
* ອາການຜູ້ຕິດເຊື້ອ:
- ໂຕເຫລື້ອງ, ຕາເຫລືອງ (ຫລື ພາສາໄທເອີ້ນວ່າ ດີຊານ)
- ຫຍ່ຽວເຫລືອງເຂັ້ມ
- ອ່ອນເພຍ
- ເບື່ອອາຫານ
- ນໍ້າຫນັກລຸດ
- ປວດເບື້ອງກະດູກຂ້າງຂວາ
- ປວດກ້າມເນື້ອ ແລະ ຂໍ້

#ເພື່ອເປັນການແຍກອາການຕັບອັກເສບເກີດຈາກເຊື້ອໄວລັດຊະນິດໃດ ແມ່ນຕ້ອງໄດ້ກວດຮ່າງກາຍ ກວດເລືອດ ກວດການເຮັດວຽກຂອງຕັບ ແລະ ພວກເຮົາສາມາດປ້ອງກັນຕິດເຊື້ອໄດ້ໂດຍບໍ່ນໍາໂຕເອງໄປສ່ຽງຕໍ່ການຕິດເຊື້ອທີ່ໄດ້ກ່າວທາງເທິງ ແລະ ຊີດວັກຊີນເພື່ອປ້ອງກັນ

#ຖ້າທ່ານຄິດວ່າບົດຄວາມນີ້ມີສາລະ ຊ່ວຍແຊໃຫ້ຫມູ່ເພື່ອນຮູ້ເຖິງໄພອັນຕະລາຍຂອງການຕິດເຊື້ອ ແລະ ປ້ອງກັນ ໄວລັດຕັບອັກເສບ😘😘😘